هو انتم عارفين الحكاية ولا متعرفوش

هى الحكاية باينه زى الشمس دى اصلا متستهلش
دنياااااااا جينا فيها وحنروح ومبنتخلدش
كلنا ركاب فيها نخاف ننزل ولا مننزلش
ولاحد فينا واخد حاجه ولاحتى منها قرش
هتمشى منها رضيت او حتى مرضتش
ما هو مش بيمزاجك دى حكمة ربنا ولا انت متعرفش

اصلا دى متستهلش
نجرى فيها ونخاف نقول ولا منقلش
نحلم ونحلم ونفضل نحلم ومبنبطلش
ناخد مهما ناخد بس منشبعش
نغلط ونرجع نغلط ومبنقدرش
نتوه فيها ويا نلحق يا منلحقش
ياتكون فيهاحاجة يامتكنش

هما دول الى مبيفكروش
هما اصلا مبيحسوش
يعيشوا بمية وش ولاينكسفوش
الحياة عندهم فلوس وللحق ميبصوش
هى بقت ياتتشاطروا يامتتشاطروش
هما دول نسيوا ولامنسيوش
ولابيغلطوا ولامبيغلطوش
فاهمين طريقهم ولا مبيفهموش
ولا فاكرين أنهم مبيتحسبوش
لا يا معلم فوق هيجى يوم وتاخد على افاك وبكرة تشوف


لكن نرجع ونقول فى ناس عارفين ربنا ومنسيهوش
وفى ناس كسبوا رضا ربنا ومخسروش
رضيوا بنصيبهم ومعترضوش
رضيوا بالظلم ومظلموش
عن الحق دافعو ومسكتوش
بوش عاشوا وبمية وش مرضيوش
وعرفوا الى قبلهم متخلدوش
دعو ربهم ومتخلفوش
وعن دينهم متخلوش
اختارو الصح ومتعبوش

ما اصلا الحكاية باينة يا تختار الصح يا متختروش


وانت ودماغك بقى يا ماااااااان